Главы сии составлены по числу лет земной жизни Господа. Прочитавший сии главы да позаботится со тщанием, оставив младенческое мудрование, придти в мужа совершенна и достигнуть меры возраста исполнения Христова.

Следующие же пятичувственные главы положены особо – в конце, вне числа, для того чтобы прочитывающий их всякий день, всегда, возводил к Богу свои сугубые – пяточисленные – чувства* и, став выше всего видимого и разумеваемого, возлетал умом выспрь, и, будучи погружен в глубину разума и таинственного познания, будучи, притом неизреченно и недоведомо, соединен в тайном соединении с невидимым, беспрестанно сердцем и умом всегда возносил сии стихословия, горячо взывая: Возлюблю Тя, Господи, крепосте моя, Господь утверждение мое, и проч.

* Внешние и внутренние.


Первое Стихословие
любезного к Богу взывания

Возлюблю Тя, Господи, крепосте моя! Господь утверждение мое, и прибежище мое, и Избавитель мой, Бог мой, Помощник мой и уповаю на Него, Защититель мой, и рог спасения моего, и Заступник мой, хваля призову Господа, и от враг моих спасуся (Псал. 17).

Коль возлюбленна селения Твоя, Господи сил! Желает и скончавается душа моя во дворы Господни. Сердце мое и плоть моя возрадовастася о Бозе живе. Блажени живущий в дому Твоем, в веки веков восхвалят Тя. Лучше день един во дворех Твоих, Господи, паче тысящ. Изволих приметатися в дому Бога моего паче, неже жити ми в селениих грешничих (Псал. 83).

Коль возлюбих закон Твой, Господи! Весь день поучение мое есть. Коль сладка гортани моему словеса Твоя! Паче меда устам моим. Сего ради возненавидех всяк путь неправды. Светильник ногама моима закон Твой и свет стезям моим. Оправдания Твоя вожделенна суть, Господи, паче злата и камене честна многа, и слаждша паче меда и сота (Пс. 118).

Коль благ Бог Израилев правым сердцем! Коль многое множество Благости Твоея, Господи, юже скрыл еси боящимся Тебе, соделал еси уповающим на Тя, пред сыны человеческими! Скрывши их в тайне лица Твоего от мятежа человеческа. Обаче Богови повинися, душе моя, яко от Того терпение мое, ибо Той Бог мой и Спас мой, Заступник мой: не подвижуся во век (Пс. 72; 30,61).

О Бозе спасение мое и слава моя. Бог помощи моея и упование мое на Бога. Уповайте на Него весь сонм людей. Излияйте пред Ним сердца ваша, яко Бог Помощник наш есть. Не уповайте на неправду и на восхищение не желайте. Богатство аще течет, не прилагайте сердца. Единою глагола Бог, двоя сия слышах: зане держава Божия, и Твоя, Господи, милость, яко Ты воздаси коемуждо по делом его.

Боже, Боже мой, к Тебе утреннюю: возжада Тебе душа моя, коль множицею Тебе плоть моя, в земли пусте и непроходне и безводне. Тако во святем явихся Тебе – видети силу Твою и славу Твою, яко лучше милость Твоя паче живот. Устне мои восхвалит Тя, тако благословлю Тя в животе моем. О имени Твоем воздежу руце мои. Прилпе душа моя по Тебе, мене же прият десница Твоя (Пс. 62).

Имже образом желает елень на источники водныя, сице желает душа моя к Тебе. Боже, возжада душа моя к Богу крепкому живому: когда прейду и явлюся лицу Божию? Молитва Богу живота моего, реку Богу: Заступник мой еси, почто мя забыл еси, и векую сетуя хожду, внегда оскорбляет враг? (Пс. 41.)

Господь просвещение мое и Спаситель мой, – кого убоюся? Господь Защититель живота моего, от кого устрашуся? Едино просих от Господа, то взыщу: еже жити ми в дому Господни вся дни живота моего, зрети ми красоту Господню, и посещати храм святый Его. Взыска Тебе лице мое, Лица Твоего, Господи, взыщу (Пс. 26)

Готово сердце мое, Боже, готово сердце мое. Воспою и пою в славе моей. Востани слава моя, востани псалтирю и гусли: востану рано. Исповемся Тебе в людех. Господи, пою Тебе во языцех, яко велия верху небес милость Твоя, и до облак истина Твоя. Вознесися на небеса, Боже, и по всей земли слава Твоя (Пс. 107).

Ты еси, Боже, держава моя, разжи утробы моя и сердце мое, яко милость Твоя пред очима моима есть. Поели свет Твой и истину Твою: та мя настависта, и введоста мя в гору святую Твою, и в селения Твоя и вниду к жертвеннику Божию, к Богу, веселящему юность мою. Исповемся Тебе в гуслех, Боже, Боже мой. Векую прискорбна еси, душе моя, и векую смущаеши мя? Уповай на Бога, яко исповемся Ему, спасение лица моего и Бог мой (Пс. 25,42).



Второе Стихословие
любезного к Богу беседования

Добудет, Господи, сердце мое всегда уязвлено и уранено Божественною Твоею любовию, да глаголю присно с Пророком сия рачительная словеса: "уязвлен есмь добротою Твоею, женише мой сладчайший, в след Тебе теку, в воню мира Твоего, егоже вожделе душа моя. Где пасеши, и где почиваеши в полудни? Где возсияваеши свет? Где просвещае-ши тьму? Где утешаеши любимыя? Где рачители Твоя упокояеши и исполняеши их Божественное желание?" (Песн. 1).

О превожделеннейший Господи господей! О пресладчайший в сладостях премирных! О прелюбезнейший в любезных, всяк ум, всяку мысль превосходящий! О любы, кто ж Тя достойне возлюбить? Кто достойне к Тебе всем сердцем прилепится? Кто Тя достойне до сердца своего приимет? О Божественнаго Твоего желания! О Божественныя славы присносущнаго Твоего осияния!

О Боже мой! Что ми есть на небеси? И что вящше от Тебе восхотех на земли? Точию еще жити ми в Божественном Твоем желании.